طبعا كلنا عارفين إن مفيش حد زي التاني، وإن كل واحدة مننا ليها جمالها الخاص اللي بيميزها وبيخليها مختلفة عن غيرها، وعشان كدة مقاييس الجمال نسبية جداً، لكن في النهاية أكيد في علامات أساسية للجمال كلنا بنتفق عليها، ومن بين العلامات دي اختارنالكوا انهاردة 18 علامة، اعرفيهم ومتنسيش تقوليلنا عندك كام منهم؟
1- العيون الواسعة
بما إن العين هي لغة التعارف الأولى قبل الكلام، فالعين الواسعة والجريئة تعتبر واحدة من أبرز علامات جمال وجاذبية المرأة.
2- الغمازات
واحدة من أشهر علامات الجمال عند المرأة هي الغمازات، سواء كانت في الخد أو في الذقن “طابع الحسن”، وده لأنها بتضيف جاذبية وأنوثة على وجه المرأة وخصوصاً لما تضحك.
3-النمش الخفيف
نمش الوجه الخفيف كمان علامة مهمة من علامات الجمال، بتضيف على وجه المرأة رقة وأنوثة وبتبرز جمالها.
4-الشامة
شامة الوجه أو “الحسنة” وخصوصاً اللي بتكون أعلى أو اسفل الشفايف تعتبر واحدة من علامات جاذبية وجمال المرأة.
5- الرموش الطويلة
تعتبر الرموش الطويلة من العلامات الجمالية اللي بتبرز جمال العينين وبتمنحهم جاذبية ورونق خاص.
6-الابتسامة الجذابة
“ابتسامتك سر جمالك” جملة بنسمعها كتير، لكن هل تخيلتي إنها فعلاً تكون علامة مميزة من علامات جمال المرأة المعترف بيها عالمياً؟!
7-الأذن الصغيرة
يفضل الرجل المرأة صاحبة الأذن الصغيرة، المتناسقة مع ملامح وجهها وده لأنها بتعطيها مهر طفولي وبرئ.
8- الشعر الطويل
الشعر هو تاج المرأة، كل ما كان طويل كل ما أبرز جمالها وجاذبيتها، وخصوصاً لو كان من النوع الناعم.
9-الشفاه المحددة
تعتبر الشفاه المحددة طبيعياً واحدة من أشهر علامات الجمال عند المرأة، ودي بيكون لون طرفها أغمق شوية من بقية الشفاه.
10- الحواجب المرسومة
الحواجب المرسومة والمحددة طبيعياً واحدة من علامات الأنوثة، فإذا كنتي واحدة من صاحبات الحواجب المرسوة، اعرفي أنك عندك علامة مهمة من علامات الجمال.
11-الشعر بين الحاجبين
يمكن يكون الموضوع ده بالنسبالك غريب شوية، ففي الوقت اللي بتقوم كتير من البنات فيه بالتخلص من الشعر الموجود بين الحاجبين، يراه بعض الرجال سمة من سمات الجمال عند الأنثى.
12- الطول المتوسط
على الرغم من أن الطول صفة أساسيات لازم تكون موجودة في عارضات الأزياء وملكات الجمال، وأن برضه البنت القصيرة ليها سحرها وجمالها الخاص، إلا أن الطول المتوسط هو المعترف فيه ضمن قائمة علامات جمال المرأة.
13-الأصابع الطويلة
المرأة اللي بتملك أصابع يد طويلة، تملك واحدة من أهم علامات الجمال والأنوثة، بالإضافة طبعا إلى أن الأظافر المقوسة ومتوسطة الطول هي اللي بتعزز من جمال الأصابع الطويلة.
14-عظام الرقبة البارزة
عظام الرقبة البارزة كمان واحدة من أهم علامات الأنوثة والجاذبية لدى المرأة في العالم كله.
15-الأنف المرتفع
عارفين كلنا أكيد أن كتير من البنات مش بيكونوا راضيين عن شكل “مناخيرهم”، وده ساعات بيفقدهم الثقة في نفسهم، وعشان كدة هنقولك انهاردة أن الأنف المرفوعة لأعلى تعتبر سمة جمالية، متضايقيش من مناخيرك تاني.
16-السيقان الممشوقة
وطبعاً السيقان الممشوقة والقوام المتناسق لا غنى عنهم في قائمة علامات جمال المرأة.
17-القدم الأخمصية
لو مش عارفة يعني ايه “القدم الأخمصية” فهي اللي بيكون مشط الصوابع فيها نازل لتحت لما تترفع القدم من على الأرض، ودي علامة معروفة من علامات الجمال عند المرأة.
18- الرقبة الطويلة
تعليقات
إرسال تعليق