 |
| كلام جميل جدا |
إتفاجئت لما عرفت إن العرب زمان قبل ميلاد النبي مُحَمَّد صلى الله عليه وسلم ،،
كان لما الخيول عددها بتزيد وتكتر عليهم مكانوش بيعرفو يفرقوا بين الحُصان الهجين وبين الحُصان العربي الأصيل، وللاسف علشان يعرفوهم من بعض كانوا بيجمعوا الخيول كلها في مكان واسع ويجوعوهم ويعطشوهم وكانو بيجيبوا عُصيان ويضربوهم ضرب عنيف وبعدها يحطوا قدامهم أكل وميه .. يقوم الحصنه ينقسموا لجزئين جزء يجري علي الاكل والشُرب بسرعه والجزء التاني يرفض يدوق طعم الزاد والميه لما يتقدملهم من نفس الإيد اللي إتمدت عليهم لأن كرامتهم متقبلش الإهانه ولا المذله .. ساعتها العرب فضلوهم عن باقي الحصنه وأتاكدوا إنهم خيول عربيه أصيله ،،
خليك أصيل !! ..
- الصاحب اللي يفضح سرك أو يغدر بيك.. مترجعش لصحوبيته تاني .
- الحبيب اللي يهينك ويشتمك متكمليش معاه .
- المُدير اللي يقل منك ويبيع ويشتري فيك إرتقي بنفسك وسيب الشغل وربنا هيرزقك باللي يقدر إنسانيتك .
- بكفاياك قولت آه ! .. قول لأ لكل كلمه تجرحك ولكل تصرف يضايقك و لكل هزار بيستفزك ولكل أسلوب بيثير غضبك وجنونك..
طبيعي يقصر في حقك الصاحب.. يختلف معاك الحبيب لأن علي راي المثل : مصارين البطن بتتعارك .. لكن كُله إلا إهانة الكرامه ! كتير هيقولوا عادي وياما بيحصل .. لو مشيت في مكان وعملت حادثه ودراعك إتكسر محدش هيتجبس مكانك ! محدش هيحس بيك غيرك ولا هيقدر الموقف قدك.. ومش كل الناس معدنها أصيل ومتقبلش الذُل والكسره علي نفسها .. ربنا بيقول ولقد كرمنا بني آدم .. كرَّم نفسك ونزهها عن قبول أي شيء يإذيها حتي ولو روحك فيه، قرار التنازل مُر زي الدوا لكنه مع الوقت بيشفي وبيريَّح.. تتتعب أيام أحسن ماتعاني سنين طويلة .. 
لو عايز تتابع كلام أكتر خش هنا واعملي فلو >> #عزالدين_احمد
تعليقات
إرسال تعليق